#میرزای لوڕستانی#
بە نامی بېچۇن بەنای لامەکان
نېگەدارەندەی زەمین و زەمان
واحد و ئەحەد فەرد و فریاد ڕەس
ڕاحم و ڕەحیم پەی بېکەسان کەس
پادشای قەییۊم واحد و موتڵەق
نېگەدارەندەی چەرخی موعەلەق
ڕزق دەھەندەی وەحشی و مۇر و مار
پادشای بېعەیب واحدولقەھار
بە غەیرەز ئەو شا کەس نېیەن شاھان
شاﮪ ھەر ئەو شاھەن نە ھەر دۇ جەھان
زاهېر و باتن لامەکان ماوان
سونعش بېشېوەن زاتش فراوان
ئەر وەسف زاتش مەکەرۇ ئېزهار
تەمام نمەبۊ نە شەرح نە تۊمار
ئومېدم ئېدەن پادشای ئەعزەم
بە ئەلتاف وېت بداریم وە چەم
دەور ڕەستاخېز ئاخرزەمان بۊ
مەخلۊقات تەمام ناڵە ئەمان بۊ
ببەخشیم بە ناز مستەفای مورسەل
نېیازم ئېدەن بەنای لەم یەزەل
گەر چ کەردە نان ستەمان بەر خوېش
بوېیەر جە کردار ئی بەندەی دڵرېش
12
چۇن ئەندېشەم هەن جە دەریای جۇدت
دۊڵبەندەن بە ئان نەقش عهۇدت
بە مەحز لوتفت ئومېدەوارم
وېت فەرمۇدەنی ئامۊرزەگارم
غەرق جە قەباحات موتەهەم جە زەنب
(ئەغفېر لی ئەغفېر یا غافېرولزەنب)*
---------------------------
* ( ٲغْفِر یا غافِرُالزَنب)
[1]