بېسارانی
ئاهۇی خوتەنخېز، دیدە تیر خەتا
تاتاری ڕەوېڵ، نافە موشک مەتا
وەقت نیمەشەو، خاو مەیۊ نەزد ئەو
تومەز دیدەی وېش مەوینۊ نە خەو
جە سامی موژەی وېش بېدار مەبۊ
دەرسات بېپەروا جە ڕەم تار مەبۊ
بەڵۍ چېش مەبۊ، ڕەوان، خاتر شاد
جە وەشی دەوران، سافی سەر ئازاد
ئەحیاوان پڕگوڵ، ناڵەی بولبولان
دایەرەی زنجیر زوڵف سونبولان
مەبۊ بە پابەند ئەی خوتەنخېزە
ئەی ئاهۇی ڕەوېڵ، موشک ناف بېزە
بۊی خوتەن مەیۊ، ئاهۇی تافەوە
تاف پېچان بە بۊی موشک نافەوە
ئیسە کەردەنش بە زێد، هەم ماوا
ئاوا بۊ شەڵڵا، پېش نېیەن ئاوا؟
یا شا بەشقی وېت خاتر ئازادان
نەڕېشان نە دام ناشی سەیادان
[1]