ئا کەسە کەسا حەرفێوەش وەسا
کەسێ کە وریا و ژیر و ئاوەزمەند بۆ، بە ئیشارێوە یاوۆنە و ئێتر لازم مەکەرۆ هەیتاهەیتا شەرحەش پەی دەی و دووبارەش وەنە کەریۆ. خۆ ئەگەر نەزان و ئەنە نەیاوایچ بۆ، ئانە ئێتر بە چەنیچ کەریش گۆششەرە سوودش نیا و ورش مەگێرۆ، ئێتر هەر با درێژدادڕیچش پەی کەری و سەدجار پەنەش واچیۆ و شەیش کەریوە پەیش.
ئی واتە بەنرخە فرەتەر جە وەختێنە وچیۆ کە دوێ کەسێ پێوەرە قسێ کەرا و یۆشا گەرەکش بۆ جە کوڵینە بڕۆشۆ، ئێتر پاسە پەوی ماچۆ و فرە سەرش مەلۆ، دوێ ڕەهەندێچش هەنێ:
1_ تۆ حاڵیت نیا و مەیاوینە و من هەر سەرەو وێم مێشنوو.
2_ یاوەنە چێش ماچوو و مەبەسەکەیم ورگێرە و ئێتر سەرش مەلە. بڕێ وەختێچ مووچیاری یا باسو یۆی کریۆ و ڕاش پەی منیارە و یۆتەر چۆلاوە ئی واتەشە پەی بەکار بەرۆ یانی: ئەگەر ژیر بی ئانە یاوانینە جە مووچیاریەکەی یا: ئەگەر ئاوەزش بۆ ئانە وێش حاڵیشا و جارێتەر هەرمانێ ناژیرانێ مەکەرۆ.
ئی واتە جوانە پەنەما ماچۆ: ورد وین و سەرنج ورد بە، فکریەنە قسەکا و هەوڵ بدە مەبەسەکەی گێری و یاوینە جە پەیامەکەی. هەوڵ بدە کەم واچی و فرە بژنەوی و ئانەیچ مژنەویش وردش جەنە بیۆ تا خاس بلۆنە مەژگت و تاوی سوودش چەنە بەری.[1]