دەقی پرسەنامەکەی ئەنجوومەنی سەرکردایەتی #یەکێتیی نیشتمانیی کوردستان#:
بۆ بنەماڵەی تێکۆشەر و کوردپەروەر، هەڤاڵ کاک ڕەفعەت عەبدوڵڵا، بڕیاردەری دەستەی کارگێڕی مەکتەبی سیاسی یەکێتیی نیشتمانیی کوردستان*
بە داخ و پەژارەیەکی زۆرەوە، هەواڵی کۆچی دوایی هەڤاڵ (رەمزی عەبدوڵڵا) کوڕی شەهید عەبدوڵڵا حەمەڕەش و برای شەهید حاکم شەوکەت و برای هەڤاڵ کاک ڕەفعەت عەبدوڵڵا- بڕیاردەری دەستەی کارگێڕیی مەکتەبی سیاسیی (ی.ن.ک)مان پێگەیشت، هەواڵی مەرگی لەناکاوی پێشمەرگەو تێکۆشەر کاک ڕەمزی، لە ناخەوە زۆر دڵگرانی کردین.
بەناوی ئەنجوومەنی سەرکردایەتیی (ی.ن.ک)ەوە، پرسەو سەرەخۆشی لە هەڤاڵ کاک ڕەفعەت عەبدوڵڵا و کەسوکار و بنەماڵە تێکۆشەرەکەیان دەکەین و هاوبەشی غەمیانین، لە یەزدان داواکارین کە ئەمە دوا ناخۆشییان بێ، و کاک ڕەمزیش بە بەهەشتی بەرینی خۆی شاد بکات، و ئارامی و سەبوری به بەڕێزیان و هەموو لایەکمان ببەخشێت.
انا لله وانا الیە ڕاجعون
ئەنجوومەنی سەرکردایەتی (ی.ن.ک)[1]
تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!