#ئومێد خۆشناو# پارێزگارى #هەولێر# لە ڕونکردنەوەیەکدا ئاشکرایکردووە، بابەتى هاتنى هەڵبژاردەى ئێراق بۆ هەولێر هیچ پەیوەندییەکى بەپرسە سیاسییەکانەوە نییە وەک ئەوەى زۆر شرۆڤەى بۆکراوە.
وتیشى: هەڵبژاردەى ئێراق داوایکردووە سەردانى هەولێر بکەن، ئێمەش پلانێکمان هەبوو لەگەڵیان کە پێشوازیەکى درووستیان لێبکرێت و بەدڵنیاییشەوە دەکرێت، بەڵام لەوکاتەى دیاریکرابوو لەگەڵیاندا ئێمە نەمانتوانى پێشوازیان لێبکەین، تەئکید دەکەمەوە، پێشوازیان لێدەکرێت و ڕێزیشیان لێدەگرین.
جەختیکردەوە، ئەوان هەڵبژاردەى ئێراقن و ئەنجامێکیان بەدەستهێناوە و ئێستاش پەیوەندییەکانى نێوان هەولێر و #بەغدا# بەرەو پێشچونى زۆرى بەخۆوە بینیووە، هاوکات ئەوان سەرسامن بە هەولێر و لە کاتێکى زۆر نزیکدا دێنە هەولێر و پێشوازیشیان لێدەکرێت و لە ئاستى باڵاش کۆبوونەوە و دیداریان دەبێت.
ئومێد خۆشناو باسى لەوەشکرد، پرسى پێشوازی لە یاریزانانی هەڵبژاردەی ئێراق لە هەولێر بەلاڕێدابراوە، لە کاتێکدا هەڵبژاردەکە خۆیان سەرسامن بە هەولێر و دەیانەوێت سەردانی بکەن. [1]