#بېسارانی#
زڵېخام ساوان، زڵېخام ساوان
دۇ دیدەش وېنەی وەلەدەی ساوان
کام وەلەد؟ ئاڼە خەستەن، پەی ئاوان؟
هەر ئەو ناف مەوزۊ سوب نە سەراوان
خەرامانی مەست، جقەی ناف بە دۊش
قنیات وە سونبوڵ، چۇزەی نېرگز نۊش
وەڵگی گوڵ جە بېخ، بە هەڕە کەندە
ساداری، سەرسام، سایەی وېش مەندە
دەیری دیدەوان، ڕەوېڵەی خۇتەن
بېزار جە زامەن، دۇرکەفتەی وەتەن
زامەن نە جەبەل سەیادی توند خۇ
کەمتەر وە گوریز، پاکېشی تیز دۇ
سەرسامی، بېهۊش، خاوېر و مەلۇل
شەو خاوگەی مەکۊش پای بارگەی بالۇل
قودرەت بە کەرەم، بەبۍ هەمتاییت
بە دایەرەی چەرخ هەفتەم سەماییت
ئەو وەلەدەی شۊخ، وەحشی خەیاڵ خام
پەی ساکنی دڵ بگېرەش نە دام
[1]