ناڤ: شەهباز
ناڤێ بابێ: ساڵح سەعدو
سالا ژ دایکبوونێ: 1931
سالا شەهیدبوونێ: 1974
جهێ ژ دایکبوونێ: گوندێ دەرکار عەجەم ل دەڤەرا سندی
جهێ شەهیدبوونێ: ڕەبیعە
$ژیاننامە$
شەهید شەهباز سالح سەعدو، ل ساڵا 1931ێ ل گوندێ دەرکار عەجەم ل دەڤەرا سندیا هاتیە سەر دونیایێ، ل هاڤینا ساڵا 1974ێ د هێرشا هێزا پێشمەرگەهێن دەڤەرا #زاخۆ# ل سەر ڕەبیعا ستراتیژییا دەشتمرێ شەهيد دبیت، ژبەر ڕۆلێ شەهید شەهباز سالح د شۆڕەشا ئەیلوولێدا ڕێکخراوەکا لەشکەری ل سەر دەمێ شۆڕەشا گوڵانێ ب ناڤێ وی هاتبوو دامەزراندن.
خەباتنامە
شەهباز سالح سەعدو، ل ساڵێت پێنجیا دهێتە ڕێکخستن دگەل پارتی ديموکراتى کوردستان ل سەردەمێ شۆڕەشا ئەیلوولێ، ل 9-9-1961ێ چەکێ شەرەفێ هەلدگریت و دبیتە پێشمەرگە ل گەل برایێ خوە سەعدو سالح سندی و بەشداری ئازادکرنا دەڤەرا سندیا و سەنتەرێ باژێرێ زاخۆ دکەت، ل ساڵا 1962ێ شەهید شەهباز پلا سەرقۆل وەرگریت و دبیتە بەرپرسێ هێزا پێشمەرگەهێن گوندێ دەرکار عەجەم، ل هەمان ساڵ پشکداریێ ل شەڕێ چیایێ سپی و گەلیێ زاخۆ دکەت، گوندێ دەرکارێ ل بهارا ساڵا 1962ێ ژلایێ حکومەتا عێراقێ دهێتە سوتن، ل ساڵا 1962 دگەل قولا خوە ڕۆلەک کاریگەر هەبی د شەڕێ تەنگا بانکێ و شەڕێ دەشتکا چیێ و بەرسینگگرتنا هێرشا دوژمنی ل سەر باتیفا گولیا، ل هەیڤا 10 ساڵا 1962ێ بەشداری ل سوتن و لێدانا پەترۆلخانا عەینزالا ل ڕوژئاڤایێ دیجلە دبیت .
ل ساڵا 1963ێ ل شەڕێ چیایێ مەتینی ب گرانی بریندار دبیت، ل ساڵا 1964ێ قولێن پێشمەرگەهی دهێنە تەنزیمکرن و سیستەمێ لەشکەریێ شۆرەشێ دهێتە گوهرین و شەهیدێ نەمر ژبەر لێهاتی و زیرەکییا خوە دهێتە هەلبژارتن وەک جێگرێ ئامر سری دگەل سریا برایێ خوە سەعدو سالح سندی سەر ب هێزا زاخۆ ڤە ، ل ساڵا 1965ێ فەرماندێ نەمر دگەل چەند قەهرەمانێن چاڤ نەترس بەرسینگێ دوژمنی ل بانیا نێرگزێ دگرن و زیانێن مەزن دگەهیننە ڕژێما ژ ناڤچوی.
ل ساڵا 1973ێ دگەل 200 پێشمەرگەهێت قەهرەمان ژ دەڤەرا زاخۆ ب سەرپەرشتیا سەعدو سالح سندی بەشداری پاراستنا خاکێ پیروز و شکاندنا دوژمنێن بزاڤا ڕزگاریخوازا کوردستانێ ل دەڤەرا ئاکرێ دبیت، ل ساڵا 1974ێ ژبەر ڕۆل و قەهرەمانیا خوە دهێتە هەلبژارتن وەک سەرلەق سەر ب هێزا زاخۆ ڤە، ل ساڵا 1974ێ سەرپەرشتیا عەمەلیاتەکا تایبەت دژی حکومەتا عیراقێ ل دەروازگەهێ ئیبراهیم خەلیل دکەت و گورزەک گران ل دوژمنی ددت و د ئەنجامدا ب سڤکی بریندار دبیت .
ل هاڤینا ساڵا 1974ێ د هێرشا هێزا پێشمەرگەهێن دەڤەرا زاخۆ ل سەر ڕەبیعا ستراتیژیا دەشتمرێ شەهيد شەهباز سالح دگەل چەند ژ هەڤال و هەڤچەپەرێن خوە بناڤێن دیندار توفیق، جەمیل جەهوەر، حسێن بەتال، ئیبراهیم سەلیم، عەلی محێ شەهید دبن و جەنازێ ناڤبری ل گورستانا دەرکاری دهێتە ڤەشارتن.
پشتی نسکۆیا ساڵا 1975ێ مالباتا شەهید شەهباز سالح چەکێ وی ڕادەستی حکومەتا عێراقێ ناکەت، ل سەردەمێ شۆرەشا گوڵانێ و دگەل دەستپێکا شۆرەشا شۆڕەشا گوڵانێ، شەهیدێ نەمر سادق عومەر سندی وەک ئامر مەفرەزێ قەهرەمانێ سەرکردایەتی کاتی چەکێ شەهیدێ نەمر ل چەند چالاکیێن لەشکەری دژی حکومەتا عێراقێ بکار دئینت . ژبەر ڕولێ شەهید شەهباز سالح د شۆرەشا ئەیلوولێدا ل سەر دەمێ شۆرەشا شۆڕەشا گوڵانێ ڕێکخراوەکا لەشکەری ب ناڤێ وی هاتبوو دامەزراندن ل سنوورێ لقا ئێک ب سەرپەرشتیا شەهید سادق عومەر سندی .ل ئەنفالا ساڵا 1988ێ کورێ وی ب ناڤێ فەهمی شەهباز دگەل ( 13 ) برازایێن وی بێ سەروشین دبیت . [1]