$هەڵوێستی گۆڕان چییە؟$
#بافڵ تاڵەبانی# سەرۆکی #یەکێتیی نیشتمانیی کوردستان# جارێکی تر داوای درووستکردنی هاوپەیمانی و یەکگرتنەوەی لە بەرپرسانی #بزووتنەوەی گۆڕان# کردووە.
بافڵ تاڵەبانی سەرۆکی یەکێتی لە دواین کۆبوونەوەی لەگەڵ عومەر سەید عەلی، ڕێکخەری دەست لەکارکێشاوەی بزووتنەوەی گۆڕان ئەو داواکارییەی بە فەرمیی خستووەتەڕوو.
بافڵ تاڵەبانی جەختیکردووەتەوە، کە یەکێتی و گۆڕان دوو هێزی گەورەن لە هەرێمی کوردستان و لە سنووری #سلێمانی#ش کاریگەریی گەورەیان هەیە، بۆیە پێویستە هاوپەیمان و یەکگرتوو بن لە ئێستا و لە داهاتووشدا.
لەبارەی هەڵوێستی گۆڕان لە بارەی ئەو داواکارییەوە، عومەر سەید عەلی باسی لەوە کردووە، ئەو ئێستا بڕیاربەدەستی یەکلاکەرەوەی گۆڕان نییە و دەبێت چاوەڕێی ئەنجامدانی کۆنفرانسی نیشتمانی بکەن، ئەوکات ڕێکخەر و خانەی ڕاپەڕاندنی گۆڕان چ بڕیارێک دەدەن، ئەوە دەبێتە هەڵوێستی فەڕمی گۆڕان. [1]