تیمی پارێزەرانی #بافڵ تاڵەبانی#:
بەپێی بڕیاری دادگای تایبەتمەند #لاهور شێخ جەنگی#، نەک تەنیا پۆستی نییە لەناو یەکێتیی، بەڵکوو یەکێکە لە دەرکراوەکان.
- بە هەموو لایەکی ڕادەگەیەنین کە هەموو سکاڵاکان لە بەرژەوەندی بافڵ تاڵەبانی کۆتایی پێهاتووە و لە کۆمسیۆنی باڵای سەربەخۆی هەڵبژاردنەکانی ئێراقیش پەسەندکراوە.
- کۆمیسیۆنی هەڵبژاردنەکانی ئێراق هەمواری پەیڕەوی ناوخۆیی #یەکێتیی نیشتمانیی کوردستان#یانی پەسەند کردووە، کە تیایدا؛ پەیڕەوی بەڕێوەبردنی یەکێتی گۆڕیوە لە سیستەمی هاوسەرۆکییەوە بۆ سیستەمی سەرۆکی.
-ئەو سکاڵایەی کە باس دەکرێت لە دادگای لێکۆڵینەوەی ئاساییشی #هەولێر#؛ ئەو داوایە لە تایبەتمەندی ئەو دادگا بەڕێزە نییە و ئەو نووسراوەی بڵاو کراوەتەوە تەنیا ڕونکردنەوەیە نەک بڕیاری دادگا.
-بۆ زانیاری هەموو لایەکیش؛ جارێکی تر بڕیار لەو داوایە نادرێت بە هۆکاری ئەوەی پێشتر ئەم داوایە حسم بووە و پلەی کۆتایی وەرگرتوە.
-بەپێی بڕیاری دادگای تایبەتمەند، لاهور جەنگی، نەک تەنیا پۆستی نییە لەناو یەکێتیی نیشتمانیی کوردستاندا، بەڵکوو یەکێکە لەدەرکراوەکان بەپێی بڕیاری ئەنجوومەنی سەرکردایەتی. [1]