#نەرمین مەعروف# ئەندامی لیژنەی دارایی لە ئەنجوومەنی نوێنەرانی ئێراق ئاشکرایکرد، بەڕێوەبەرایەتی گشتی بازرگانی دانەوێڵەی سەربە وەزارەتی بازرگانی ئێراق ئاگاداریکردۆتەوە لەوەی سبەینێ #14-02-2023# چەکی پارەی ساڵی 2015 و 2016 ی شایستەی گەنمی جووتیارانی هەرێم خەرج دەکەن، کە بڕەکەی 272 ملیار دینارە.
د. نەرمین مەعروف ئاماژەی بەوەشکردووە، خەرجکردنی چەکی پارەی شایستەی دارایی جووتیارانی هەرێم بۆ ساڵانی 2015 و 2016 لە دوای ڕەزامەندی ئەنجوومەنی وەزیرانی ئێراق بووە. وتیشی، وەک ئەوەی بەڵێنی دابوو بە جووتیارانی هەرێم، بەردەوام دەبێت لە هەوڵەکانی بۆ بەدەستهێنانی مافەکانیان. [1]