شوتی یەکێکە لە میوە هەرە بەتام و بەچێژەکانی وەرزی هاوین، ئەوە جگە لە سوودە پزیشکییەکانیی لە پێشگریکردن لە تێکچوونی گورچیلە و بەرزبوونەوەی فشاری خوێن و شێرپەنجە و شەکرە و نەخۆشییەکانی دڵ و چەندین سوودی دیکەش.
=KTML_Bold=پێگەی WebMD چەندین سوودی تەندرووستیی شووتی دەستنیشانکردووە کە بریتین لە:=KTML_End=

=KTML_Bold=ڕێگرییکردن لە تێکچونی گورچیلە:=KTML_End= بەوپێیەی شوتی مادەی پۆتاسیۆمی تێدایە کە یارمەتیدەرە لە پاککردنەوەى گورچیلە لە ماددە ژەهراوییەکان.
=KTML_Bold=بەرزبوونەوەی پەستانی خوێن:=KTML_End= ئەو پۆتاسیۆم و مەگنیسیۆمەی لەناو شوتیدایە یارمەتیدەرە لە دابەزاندنی بەرزە پەستانی خوێن.
=KTML_Bold=ڕێگرییکردن لە تووشبوون بە شێرپەنجە:=KTML_End= شوتی دەوڵەمەندە بە ماددەی لیکۆبین کە پێکهاتەیەکە یارمەتیدەرە لە ڕێگرییکردن لە تووشبوون بە نەخۆشیی شێرپەنجە، بەوپێیەی ماددەی دژە ئۆکسێن و ڤیتامین سی تێدایە.
=KTML_Bold=نەخۆشیی شەکرە=KTML_End=: لەبەرئەوەی شوتی لە90٪ی لە ئاو پێکدێت و ڤیتامین و کانزاکانی وەک پۆتاسیۆم و مەگنیسیۆمیشی تێدایە، هەربۆیە ئەمە یارمەتیدەرە بۆ باشترکردنی ئەنسۆلین لە لەشدا، بەمەش ڕێژەی شەکر لە خوێندا دادەبەزێت.
=KTML_Bold=نەخۆشییەکانی دڵ و لولەکانی خوێن:=KTML_End= شوتی ئاستی کارکردنی دڵ باشتر دەکات، چونکە ماددەی بێتا کارۆتین و دژە ئۆکسێنەری تێدایە، هەروەها ڕێگریی لەو گرفتانەی دڵ دەکات کە پەیوەندییان بە بەتەمەنداچوون هەیە، جگە لەوەی یارمەتیی کەمکردنەوەی کۆلیسترۆڵ دەدات، چونکەڤیتامین C و کارۆتین و پۆتاسیۆمی تێدایە، کە ئەگەری تووشبوون بە جەڵتەی دڵ کەمدەکاتەوە.
=KTML_Bold=نەخۆشییەکانی چاو:=KTML_End= شوتی لەبەرئەوەی مادەی بێتا کارۆتین و ڤیتامین C و دژە ئۆکسانی تێدایە، بۆیە مرۆڤ لەو نەخۆشییانە دەپارێزێت کە لەگەڵ بەتەمەنداچوون سەرهەڵدەدەن، وەک وشکبوونەوەی چاو.
=KTML_Bold=لاوازی توانای سێکسیی:=KTML_End= بەوپێیەی شوتی مادەی دژە ئۆکسێنی تێدایە، بۆیە بۆ بەهێزکردنی توانای سێکسیی و چارەسەرکردنی لاوازی ڕەپبوونی چوک بەسوودە.
=KTML_Bold=تێکشکاندنی چەورییەکان:=KTML_End= شوتی چەورییەکانی جەستە کەمدەکاتەوە، لەبەرئەوەی بڕێکی زۆر لە ئاوی تێدایە کە وادەکات کەسەکە هەست بەتێریی بکات.
=KTML_Bold=ڕێگرییکردن لە وشکبوونەوەی جەستە:=KTML_End= بەوپێیەی شوتی لە سەدا 90ى لە ئاو پێکدێت، هەربۆیە لە وەرزی هاویندا ڕێگریی وشکبوونەوەی جەستە دەکات و پێست بەشێداریی دەهێڵێتەوە و شلەکانی ناو جەستە نوێدەکاتەوە. [1]