ناونیشانی پەڕتووک: هاوژان
ناوی نووسەر: #ڕەند زارعی#
بابەت: ڕۆمان
شوێنی چاپ: سوید
دەزگای پەخش: ناوەندی 49 کتێب
ساڵی چاپ: 2023
هاوژان ڕۆمانێکی کۆمێدییە و باس لە پێکدادانی تێگەیشتنی نێوان نەسڵەکانی کۆمەڵگەی ڕۆژهەڵاتی کوردستان لە دوای شۆڕشی 1357 دەکات. نووسەر لە ناساندنی ڕۆمانەکەدا ڕاگەیاند: ئەم ڕۆمانە هەرچەند بە زمانێکی کۆمێدی نووسراوە، بەڵام هەڵگری جۆرێک برین و ژانی هاوبەشیشە کە هەموومان بەشمان پێوەیەتی، ئەویش هاوچارەنووسیی پرس و کۆمەڵگەی کوردە. هەربۆیەش ناوی هاوژانم بۆ ئەم ڕۆمانە دیاری کردووە. ئەم بەرهەمە دووەم ڕۆمانی ڕەند زارعییە. ناوبراو پێشتریش ڕۆمانێکی تری بە ناوی هانا، چاپ و بڵاو کردبووەوە.
هاوژان دەکرێت وەک کورتەڕۆمان پێناسەی بۆ بکرێت کە لە توێی 170 لاپەڕە بۆ جاری یەکەم لە وڵاتی سوید لە ساڵی 2023 لەلایەن ناوەندی 49 کتێبەوە چاپ و بڵاو کراوەتەوە. [1]