ئەو ڕەفتارانەی کە منداڵان دەیکەن، بەرپرسی یەکەم لێیان دایک و باوکیانن، توانای ئەوەیان هەیە ڕەفتاری نادرووستی منداڵەکانیان ڕاست بکەنەوە.
=KTML_Bold=هەندێک ڕەفتار هەیە کە دایک و باوکان دەبێت وریابن و ئەگەر لە منداڵەکانیان بینی ڕێگە نەدەن دووبارە ببێتەوە.=KTML_End=
=KTML_Bold=1. بێڕێزیکردن=KTML_End=
ئەگەر بینیت منداڵەکەت بەمشێوەیە ڕەفتاری کرد بەرانبەر چواردەورەکەی، بیبەرە شوێنێکەوە بە تەنیا پێی بڵێ کە ئەوە ڕەفتارێکی درووست نییە و ئەگەر دووبارەی بکەیتەوە لەو شتانەی دوردەخەیتەوە کە ئارەزووی لێێەتی.
=KTML_Bold=2. درۆکردن=KTML_End=
درۆی منداڵ بە گشتی کاریگەریی زۆر گەورەی نابێت، بەڵام دەبێت لە کاتی خۆیدا ڕاست بکرێتەوە، ئەگەر نا کاریگەریی زۆر خراپ لەسەر چواردەورەکەی جێدەهێڵێت لەگەڵ گەورەبوونیدا.
=KTML_Bold=3. گزی یان غەش=KTML_End=
ئەم ڕەفتارە لە منداڵەکەتدا پشتگوێ مەخە، دەکرێت زۆرجار لە کاتی یاریکردن هەستی پێبکەیت کە دەیەوێت گزی بکات، ئەمەش بۆ گەورەبوونی باش نابێت.
=KTML_Bold=4. گاڵتەکردن=KTML_End=
گاڵتەکردن بە کەسانی دیکە و سووکایەتی پێیان یەکێکە لەو ڕەفتارانەی کاریگەریی نەرێنی لەسەر کەسایەتی منداڵەکەت درووستدەکات.
=KTML_Bold=5. کۆنترۆڵنەکردنی حەزەکانی=KTML_End=
پێویستە ئەوە بە منداڵەکان ببەخشرێت کە پێویستیان پێیەتی نەک ئەوەی حەزیان پێیەتی، ئەگەر ئەم هەستەی کۆنترۆڵ نەکەیت، پەنا بۆ ڕێگەی ناتەندرووست دەبات.
=KTML_Bold=6. گوێنەگرتن=KTML_End=
گوێنەگرتن بۆ کەسانی دیکە و فەرامۆشکردنی داواکارییەکان، بەتایبەتی داواکارییەکانی خێزانەکەی و دایک و باوکی، کارێکی هەڵەیە و دەبێت دایکان و باوکان ڕێگە نەدەن دووبارەی بکاتەوە. [1]