$Agahiyên şehîd:$
Nav paşnav: Nûrûllah Çakir
Nasnav: Sîpan Xelat
Cihê jidayikbûnê: Wan
Dayik-Bav: Behîce-Ramazan
Dem û cihê şehadetê: 11-05-2021 / Avaşîn
$Kurtejiyana şehîd:$
Hevrêyê me Sîpan li Wanê li nava malbateke welatparêz ji dayik bû. Bi taybetî bi bandora taybetmendiyên welatparêzî yên dayika xwe, di demekê de ku dewleta Tirk êrişên gelekî giran dibir ser gelê me û tevgera me, bi îdîayeke mezin tevlî nava refên gerîla bû. Ji roja ku tevlî nava refên gerîla bû û pê ve her roj hewl da îdeolojiya Rêbertî fêhm bike, her ku Rêbertî fêhm kir di kesayeitya xwe de pêşketinên girîng afirand. Bi taybetî ji bo biryardariya Rêbertiya Azad, Kurdistana Azad pêk bîne, bi qasî qada îdeoojîk li qada leşkerî jî xwe perwerde kir û bi perwerdeya li branşên leşkerî xwe kir gerîlayekî pispor. Ji sala 2018'an û pê ve li herêma Avaşînê ji şervaniyê heta fermandariyê di her astê de wezîfe kir û pêşengî ji gelek çalakiyan re kir ku derbên mezin li mêtingeriya Tirk xist. Hevrêyê me Sîpan ku bi eşqê bi xwezaya bêhempa ya Avaşînê ve hate girêdan, ji roja ku êrişên dagirkeriyê dest pê kir û pê ve bi enerjiyeke bêdawî li nava çeperan şer kir û ji bo karibe li her derê derbê li dijmin bixe kete nava hewldanan. Hevrêyê me Sîpan jiyana şoreşgerî bi şehadeteke bi rûmet tacîdar kir û bi kesayetiya xwe ya sade, xwezayî û dilnizm bû femrandarek ku ji aliyê hevrêyên xwe ve neyê jibîrkirin.
[1]