دوای ئەوەی لە چەند ڕۆژی ڕابوردوو کەیسی (ساختە) یان بۆ کردەوە، ئەمڕۆ کەیسێکی تر بۆ ڕۆژنامەنووس #شێروان شێروانی# کرایەوە و برایە دادگای لێکۆڵینەوەی دەشتی #هەولێر# لە کەسنەزان.
بەپێی ئەو کەیسە نوێیەی بۆ شێروان شێروانی کراوەتەوە، گوایە لە ڕێکەوتی #23-06-2022# شێروان شێروانی هەڕەشەی لە ئەفسەرێکی زێرەڤانی لەناو چاکسازی گەورانی هەولێر کردووە، بۆیە پەڕاوێکی تری لێکۆڵینەوەیان بۆ کردووەتەوە.
کەیسە نوێیەکە بە پێی ماددەی 229یە لە یاسای سزاکانی ئێراقی. ئەمڕۆ #16-04-2023# کاتێک شێروان شێروانییان بردووەتە بەردەم دادوەری دادگای لێکۆڵینەوەی دەشتی هەولێر لە کەسنەزان، بەهۆی ئەوەی نە خودی شێروان شێروانی و نە تیمی پارێزەران ئاگادار نەبوون کە ئەمڕۆ 16-04-2023 دەبرێتە دادگا، شێروان وتەی نەداوە و دادوەریش دوایخستووە و بڕیاری داوە کە بە ئامادەبوونی پارێزەرەکانی وتەی لێوەربگیرێت. [1]