کاتێک لە پەیوەندییەکی تەندرووستی خۆشەویستیی یان هاوسەرگیریدایت، زیاتر لە هەموو شتێک هەست بە گرنگی و بوونی خۆت دەکەیت و هاوکات دڵخۆش و ئاسوودەیت، بەڵام کاتێک ئەو پەیوەندییەی تێیدایت ناتەندرووست و گونجاونییە، خۆتی تێدا ون دەکەیت و هیچ ئاسوودەییەکت نامێنێت.

=KTML_Bold=چەند نیشانەیەک دەریدەخات خەریکە خۆت دەدۆڕێنیت لە پەیوەندییەکەتدا.=KTML_End=

1- کەسایەتیت بە تەواوی گۆڕاوە و خەریکە خۆت ناناسیتەوە، ئەم گۆڕانکارییەش بە لایەنی نەرێنییە نەک ئەرێنی.
2- کاتت بۆ خۆت نامێنێت، بەو واتایەی بەردەوام خۆت بە دڵخۆشی بەرانبەرەکەت تەرخان کردووە لە کاتێکدا ئەو هیچ ئەو کاتەی بۆ تۆ تەرخان نەکردووە.
3- کاتت بۆ خێزان و هاوڕێکانت نەماوە تەنانەت ناتوانیت پەیوەندییشیان پێوە بکەیت، خەریکە هاوسەنگی ژیانی کۆمەڵایەتیت لەدەستدەدەیت.
4- زۆربەی کات بەرانبەرەکەت ناچارت دەکات هەڵبژاردن بکەیت لەنێوان پێویستییەکانی ئەو و ئەوەی خۆت دەتەوێت، لە کۆتاییشیدا بەهۆی خۆشەویستییەوە پێویستییەکەی ئەو هەڵدەبژێریت.
5- ناتوانیت بچوکترین بڕیاری سەربەخۆ بدەیت بێ ئەوەی ئەو ئاگادار بکەیتەوە، کاتێکیش ئەوە دەکەیت کاردانەوەی نەرێنی دەبێت.
6- خەونەکانت لەدەستداوە، چیتر بەدوای خەون و ئامانجەکانتدا ناڕۆیت، لەکاتێکدا پێشتر زۆر بەدوای خەونەکانتدا ڕۆیشتویت. [1]