#سەمیر هەورامی#، وتەبێژی #قوباد تاڵەبانی# ڕایدەگەیەنێت: زیاتر لە حەوت مانگە پلانی چارەسەری گرفتە داراییەکانمان بە تیمی پارتی لە حکومەت داوە، ئەگەر گرفتەکە چارەسەر نەکرێت هەوڵی ڕێکەوتن لەگەڵ #بەغدا# دەدەین.
سەمیر هەورامی، وتەبێژی قوباد تاڵەبانی جێگری سەرۆکی ئەنجوومەنی وەزیرانی هەرێمی کوردستان ڕایگەیاند: زیاتر لە حەوت مانگە پلانی چارەسەری گرفتە داراییەکانی سنووری #سلێمانی# و #هەڵەبجە#یان بە تیمی پارتی لە حکومەت داوە و تاکوو ئێستا #29-04-2023# وەڵامێکی ئەوتۆ نەدراونەتەوە، ئەگەر گرفتەکە چارەسەر نەکرێت هەوڵی ڕێکەوتن لەگەڵ بەغدا دەدەن.
سەمیر هەورامی ئاماژەی بەوەشکردووە: کێشەکانی تیمی یەکێتی لەگەڵ تیمی پارتی لە حکومەتی هەرێمی کوردستان لەسەر گرفتە داراییەکانی سلێمانی و هەڵەبجە و ئیدارەکانی ڕاپەڕین و گەرمیانە، بۆ چارەسەری ئەو گرفتانەش تاکوو ئێستا وەڵامی ئەوتۆمان وەرنەگرتۆتەوە.
ئەوەشی خستووەتەڕوو: قوباد تاڵەبانی بەردەوام لە هەوڵدایە بۆ چارەسەرکردنی گرفتە داراییەکانی سنوورەکە، ئەگەر دۆخەکە بەمشێوەیە چارەسەر نەکرا بەهیواین لەگەڵ بەغدا ڕێک بکەوین بۆ ئەوەی چیتر ستەم لە ئیدارەی سلێمانی نەکرێت. [1]