چەکدارێن داعشێ ل ناڤچەیا گوێرێ دو وەلاتیێن کورد رەڤاندن، یەک ژ وان کوشت و ئەوێ دن ژی ب برینداری ھات رزگارکرن.
ل گۆر ئاگاهیان، دوھ 28 نیسانا 2023، دو وەلاتیێن کورد ب مەبەستا نێچیرا ماسیان چوونە سەر زێیێ گوێر، ژ ئالیێ داعشێ ڤە ھاتنە رەڤاندن و یەک ژ وان کوشت و ئەوێ دن ژی ھاتیە رزگارکرن.
ھەمان ژێدەر دەستنیشان کر، ئەو دو کەس پشتی کو ڤەنەگەریانە مالێ و تەلەفۆنا وان ژی گرتی بوویە، ژ ئالیێ مالباتا وان ڤە دەزگەھێن ئەولەھیێ ھاتنە ئاگاھدارکرن کو ئەو چوونە وێ دەڤەرێ و ڤەنەگەریانە، پشترە دیار بوویە کو ژ ئالیێ داعشێ ڤە ھاتنە رەڤاندن.
ھەروھا ئەشکەرە کر، ئەو کەسێ کو ژ ئالیێ داعشێ ڤە ھاتیە کوشتن، سەربازێ ئارتێشا ئیراقێ بوویە، ئەوێ دن ژی وەلاتیەکی ئاسایی بوویە.[1]