کاتێک دەگەڕێیتەوە ماڵەوە وەک خانمێک یەکێک لە ئەرکە گرنگەکان سڕین و لابردنی ماکیاژی ڕوخسارتە، چونکە پێست پێویستی بە پشوودان هەیە و دەبێت خاوێنی بکەیتەوە و هەرگیز پێوە نەخەویت.
=KTML_Bold=چۆنییەتی لابردنی ماکیاژەکەت بەشێوەیەکی درووست، بە یەکێک لەم ڕێگایانە:=KTML_End=
1. بەکارهێنانی کرێمی ڤازلین بۆ لابردنی ماکیاژەکەت، کە یەکێکە لە باشترین پێکهاتەکان و پێست شێدار دەکات، لە ماوەی چەند خولەکێک تەواوی ڕەنگەکانی ماکیاژ لادەبات.
2. ئاوی تایبەت بە خاوێنکردنەوەی پێست وەک تۆنەر بە پارچەیەک لۆکە، باشترین یارمەتیدەرە بۆ لابردنی ماکیاژ بە باشی و خاوێنکردنەوەی کونیلەکان.
3. بەکارهێنانی زەیتی گەرچەک، چونکە تەنیا ڕێگایەکی خێرا نییە بۆ لابردنی ماکیاژ، بەڵکوو خۆراک دەدات بە پێست و شێداریشی دەکات.
4. کلینێکسی تایبەت بە لابردنی ماکیاژ، یان تایبەت بە منداڵ، چونکە ماددەی کیمیایی تێدانییە و زیان بە پێست ناگەیەنێت.
لە کۆتاییدا زۆر گرنگە بە پاکەرەوەی تایبەت بە ڕوخسار پێست بشۆیت، چونکە کونیلەکان باشتر خاوێن دەبنەوە و پشوو دەدەن. [1]