لەعەلی خان، خەلکێ ناحیا #هەریر# یا سەر ب قەزایا #شەقڵاوە#یە، سەرباری هندێ کوو هەنووکە ل ژیان دا نەمایە، لێ بەلێ کەرەستەیێن کولتووری و فەرهەنگی یێن وێ هەیا نها ل ماڵا وێدە وەکە موزەخانەیەکە بچیک یێن ماین.
کاروان کەریم خان گوندەژۆری، ڕێڤەبەرێ ناحیا هەریر ل سنوورێ قەزایا شەقڵاوە، راگهاند، پشتی کوو مە سەردانا موزەخانەیا ماڵا لەعلی خان کر ل سنوورێ ناحیێ، ئەز گەلەک کەیف خوەش بووم، چونکی دڤی وڵاتەیدە شێرەژنەکا دانعەمر وەکە لەعلی خان هەبوویە کو ب هەست و عەقڵێکە پڕ ل ئەڤین خوە ب پەرژینا پارێزەرێ فەرهەنگ و شوناسا کوردستانێ دانایە. لڤێ وڵاتەیدە کەسانێن وەها زورن کو ب بەریکا خوە کەل و پەلێن فەرهەنگ یێن کوردان دکڕن و دپارێزن''.
ڕێڤەبەرێ ناحیا هەریرێ گووت ژی: ئەگەرچێ لەعەلی خان، چەند ساڵەکان بەریا نها وەغەرا داویێ کرییە، بەلێ کەرستەیێن دیروکی و کەلەپووری یێن وێ هەیا نها ل ماڵا وێدە دهێن پاراستن و ئەڤە سەلمێنەرێ شارستانیەتا نەتەوێ کوردە ل هەریرێ''.
گوت ژی: ب هەموو کارینێن خوە ڤە پشتەڤانی ل مالا لەعلی خان دکەین و هەوڵا مە ئەڤە دبیت کو جهەکی بناڤێ ماڵا لەعلی خان بکەینەڤە، بو هندێ کوو ژبلی بجﮪ ئانینا وەسیەتا ڤێ خانمێ، بکارین فەرهەنگ و پاراستنا کەلتووری فێری گەنجێن خوە بکەین. ب تایبەت پێویستە ئەڤ کولتوورە ل هەریرێ، وەکە دەڤەرەکە دەوڵەمەندا دیروکی ل بوارێ کەلەپوور و کەلوپەلێن ئەنتیکە و موزەخانەییدە پتر بەلاڤ بکەین''.
کاروان کەریم خان گوندەژۆری ئەڤە ژی دیار کر و گووت ئەوا کو من ل موزەخانەیا ماڵا لەعلی خانێدە دیتی و پتر سەرنجا من ڕاکێشای ئەوە کو گەلەک خوەندەوار هەنە لدیف تاڵانا کەلوپەلێن ئەنتیکە و سەرمایەیا شارستانیەتا وڵاتێ خوە دگەڕن، لێ بەلێ لەعلی خان ب بێدەستهەڵاتی، خزمەت ب دیروک و فەرهەنگێ کوردان دکەت و کارییە ڤی فەرهەنگێ جوان و کەلەپووری بپارێزیت.[1]