وەنەسان چېشەن؟
وەنەسان ڕاوڕەسمێوە بېیەن وەختو پەنە گېریای ژەنانە و جە ئەڎابېیەی زاڕۊڵەینە بە نېر و ماوە، حەرکەس زاڕۊڵەش بیێ پېسە لاڵیایۆ ئەو خوڎای پەی سڵامەتی ژەنەکۍ و زاڕۊڵەکەیش و شوکرانێوەیچ پەی خوڎای هەکە زاڕۊڵەشا پەنە بەخشۊ، پېسەو هېمایېوەیچ پەی پارېزنای ژیوگەی و ژیونایۆ سروشتی، نەمامێوەش نیان.
بەپاو ئەوەگېڵنایە دەماودەمیەکا هەکە دەمو قەڎیمیاماوە ئەژنەویێنۍ، ڕاوڕەسمەکە بە ئەواجەمی لوان ڕاوە و دلۍ ڕاوڕەسمەکەیچەنە ئی هۊنیۍ بە کۊرس وچیێنە:
ئەی خوڎاو زەمینو ئاسمان
ئەی خوڎاو وەن و وەنەسان
حەر تۊنی شفا دەرو بیماران
دڵەو ئېمەیچ هومېڎش پېتەن
وەنەسان: ڕاوڕەسمێوە قەڎییمی هۆرامانی و هۆرامیەکا بېیەن و وەڵتەر تاکو وەختێوە فەرهەنگما نەشېویان، دلۍ بڕێ جە دەگایەکاو هۆرامانینە ئی ڕاوڕەسمە سەرەمڕە لوان ڕاوە و حەر ئانەیچە بېیەن بایېس هەکە هۆرامان بە سەر سەوزی مەنۊوە و سەمەرش فرەتەر و پەڕ بەرەکەتتەر بۊ.
سەرنجە: وەنەسان یانۍ: دارەسانو وەنا.[1]