دەگاو (پەریان) ی جە مەحاڵوو دینەوەرو سەحنەو کرماشانینە:
دەگاو (پەریان) ی کەماچا وەروو زەریفیش نامېش نریێنە پەریان ، هامسا و نزیکوو کەنوولەینە،
ئی دەگەێ نزیکەو پەنجا یانېنە و دوەسەڎ و حەڤڎە کەسېش چەنە مژیوا،
پەریانیۍ باوەڕشا پاسنەن کە جە ڕەگەزەو فەراۮی هەجیجینۍ، پاسە دیارا فەراۮ یۊ جە ئۆ لاڎا فەقی ئەحمەڎو کوڕو شېخ مسەفاو تەختەی، عالموو نامڎارو کورڎەسانی بېیەن.
(پەریان) بنێ تفی گۆرېش چەنەنە کە پەریانیۍ باوەڕشان پاسنەن کە دەس نەمامەو فەراۮیینە.
دەگاو شەریف ئاوایچ کە نزیکتەرین هامساو کەنوولەینە و پېسەو کەنوولەی و پەریانی بە هۆرامی قسۍ کەرا 55 یانېنە و 226 کەسېش چەنە مژیوا.
ئی دەگێ هەر جە کەنوولەی جیا بیېنۆو داراو حەمامێوە کۊنەی تاریخین.
شېڵانۍ و ساوی و مرۋۍ و وەزی و هەڵووچۍ، ویس جۊرۍ هەنگووری سەمەروو ئی یەرە دەگا هۆرامی زوانینە.
بېژگە جە باخڎاری، ئی یەرە دەگا خەڵکەکەشا خجڵوو حێوانداری و قاڵی کەردەی و هەنگداری و خەلە و خەرمانینۍ.
فرەو جە خەڵکوو ئی یەرە دەگایا داراو سەوادی دانشگایی و عیلمینۍ، ئەغڵەبشا شۊرەتشا ئەمیریا.[1]