ئەحمەڎ و مەحمووڎ
دوۍ برێ کۊت و شەرواڵ ورەشۍ بېنۍ بەنامۍ ئەحمەۮ و مەحمووۮی.
ئەحمەۮ کارش مشتەری ڕازی کەردەی بۍ و مەحمووۮیچ پەشتەو مېزېوە سەراوننوو دوکانیۆ نیشتەبېرە و قیمەتوو جنسی واچۍ،
عانێ مشتەری ئامێ دلۍ دووکانی، ئەحمەۮ بە زوانبازی جنسی نیشانەو چېو سانی دۍ و وەختوو قیمەتی پەرسۍ ئۆ مەحمووۮی: کاکە ئینە قیمەتش چڼا؟
مەحمووۮیچ پەرسۍ کامشا؟
ئەحمەۮیچ واچۍ کۊت و شەرواڵە سېیاوە قوڵوبچە تەڵاییەکە.
مەحمووۮیچ واچۍ: 820 تمەنۍ، وەلێم ئەحمەۮ ئەزنەو پەرسېوە چن؟ دووبارە مەحمووۮ بەدەنگی بەرزتەر واچۍ 820 تمەنێ.
ئەحمەۮیچ کە وېش قیمەتوو 820 تمەنیش ژنیەبۍ
بە مشتەری واچۍ: 520 تمەنێ
چېوسانیچ کە وېش قیمەتەکەش ژنیە بۍ دەم و دەس 520 تمەنکەی دۍ و چېوەکەی سانۍ، گر کەس ئەجیېش ئەحمەۮ گۊشېش سەنگینېنۍ، بەڵام ڕاسیەکەش چېوێ تەربۍ، قیمەتوو کۊت و شەرواڵەکەی (420) تمەنۍ بۍ، مەردمیچ ئەجۊشا هەنگشا قڕۊڵەنە دیەنۆ، بۍ ماتڵی سانېنېش![1]