بسمارەو کابرای
ڕازەی ڕاسینە
قەومێما گېڵنېوە واچی:
تاتەم وەختێ بەرۆ ئېوە، قەمسەڵەکەیش (کۊتەکەیش) فڕە دۍ سەرو قاڵیەکۍ و لوۍ نیشېرە.
ئەڎام گجار بۊڵە بوڵ کەرۍ و واچۍ دەی پېیاکە ئەڵاقێ (چۊلیباس) ێ بارە کوەش پا دیوارەرە و کۊتەکەیت ڪەرەش پۊرە.
ماچۊ سەوای تاتەم لوا بەرۆ، وەختێ ئاماوە، واتش دا ژەنەکۍ ئا چەکوشمە پەی بارە.
خولاسە تاتەم پسمارێ گەورېش کوا دیوارەرە و کۊتەکەش ئاوېزانش ڪەرد.
پەی سەوایشۆ، هامساکەشا توشش مێ، ماچۊ: مامۊسا عەجەب چۊ لیباسێوەت پەی کوانارە!
خوڎا خەیرەت بنوېسو، ژەنەکېم نازۍ پۆنیسی کوۊ دیوارەکەرە، بەڵام ئیسە کۊتەکەیم کەروو پسمارەکۍ تۊرە.
خولاسە پسمارەکۍ ئڼە درېژە بیېبۍ، یانە هامساکەشاوە زیێبېوە و ئەویچ چۆلاوە کۊتەکەش کەردەبېش پۊرە.
ئی داستانۍ واقیعیەنە و پەی یۊ جە قەوماو ئېمە ڕوەش دێنە.[1]