وەش باوەڕی کەڵێ:

دوۍ مانگۍ چېوەڵ، ۋەرۋێ قورسە وارا، ئاژەڵەکۍ ناچارۍ بیۍ بەرزاییەکا جېیا بازا.
یۊ جە کەڵەکاو کەشەکاو کەیمنەی، پەشتەو دەگێوە دلۍ ۋەروېنە پەنگیا، چەقاو نەتاواش وېش نەجات بڎۊ.
نەفەرێ جە خەڵکوو ئەرەنیشتەو دەگاکېما، ئاگاڎار بیی و وەختێ وەزعەو کەڵەکەیش دیەو زاناش مەتاوۊ  وېش ڕزگار کەرۊ, لوا شۊنەو  ڕەفېقەکاش(ئا ڕەفېقۍ کە ڕەحم بە هیچ زینڎەوەرێ نمەکەرا و مریچڵېشا دەرەو کەیمنەینە ناستە)، ئاردېش پەی یاگۍ گرفتار بېیەی کەڵەکەی.
کەڵ کە چەمش کەوت خەڵکی، وەشحاڵ بیی، چوونکا ساڵەی ویەرڎۍ، دەگاو هۆرامانی(ڕوەوەرێ) ئاوەختە کە تەنیا چوار ساڵېش بۍ، جارێتەر گیرش ڪەردەبۍ و خەڵکی نەجات دابۍ و بەردەبېشا ئاوڕەو ئاژەڵەکاشا وێشا ڪەرد تاکو، دەمەو وەهار،
کەڵەکە ئاماوە ویرش کە وەختێ سەرڎا بارش کەرد, خەڵکوو هۆرامانو تەختی، دەمەو وەهار مەراسیمێشا پەی گرتەبۍ, ئی لاو ئۆلاشا ماچ ڪەرد و وەرشادابېوە دلۍ سرووشتی.
کەڵەکە فرە وەشحاڵ بی, واتش داخوم ئی جاریچە تاکو وەهارۍ گلم بڎاوە؟؟
یەرۍ نەفەرۍ ئامێ نزیکوو کەڵەکەی، تاپرێشا نیاپۆ  و سەرەشا بڕی و ئارڎشاوە دلۍ دەگاو کەیمنەی، بەششا ڪەرد .[1]