لە #سلێمانی#، ژمارەیەک خاوەن زەوی کە وەکوو خۆیان دەڵێن، شارەوانی دەەستی دەستییان پێدەکات و ڕێگا نادات زەوییەکانیان بکەن بە خانوو، گردبوونەوە.
ژمارەیەک خاوەن زەوی، لە بەردەم بینای سەرۆکایەتی شارەوانی سلێمانی گردبوونەوە، داوا دەکەن شارەوانی ڕێگایان بدات زەوییەکانیان بکەنە خانوو، لە کاتێکدا مامەڵەکانیان لە شارەوانییە و دەستی دەستییان پێدەکرێت.
خاوەن زەوییەکان، هیچ وەڵامێکیان لە شارەوانی وەرنەگرت، دواتر چوونە مەڵبەندی یەکی یەکێتی لە سلێمانی و ئەوانیش وتیان دەنگتان دەگەیەنین.
پاش شەڕی داعش، نزیکەی 35 هەزار پارچە زەوی بەسەر هێزەکانی پێشمەرگە و دژەتیرۆر دابەشکرا، پاشان کڕین و فرۆشتن بە زەوییەکانەوە کراوە، زەوییەکان دەکەونە ناوچەکانی تاسڵوجە، خێوەتە، بەکرەجۆ و ڕاپەڕین.
ئەوە لەکاتێکدایە ماوەی ساڵێکە شارەوانی سلێمانی کردنەوەی خانوو یاخود کڕین و فرۆشتنی بە زەوییەکان ڕاگرتووە. [1]