کابرێوە گېڵنېوە:
نەوت ورەشێوە نەفتە ئارۍ پەی کووجیەکېما، خەڵکی نامۍ نېیابۍ: مامۊ نەفتی
ڕوێوە یاوام پەنە و واتش: سڵام، بەخشە یانەکەتا گازکەشی کەردەن!؟
واتم: بەڵۍ!
واتش: هەرزانام، چوون سڵامەکېت فاڕیێنۍ!
منیچ سەرەم سڕمەنە و واتم: یانۍ چېش!؟
واتش:
وەڵۍ ئانەی یانەکەت گازش پەی باری، وەش ئېنی دەممەو و حاڵ و ئەحواڵم پەرسېنی.
گردو گەڕەکەکۍ چامنۍ بېنۍ، هەرکەس گازکەشی یانەیش کەرۊ ئیتر وەش وتشیش فاڕیۊ.
هەر چا عانەو یاوانېنە سی ساڵۍ سڵامەکام بوەو نەفتۍ دېنۍ، تاکو بوەو ئینسانیەت و ئەخلاقی!
سی ساڵۍ بە خوەیوە لوېنۍ دەمشەو هەر ئەجیېم تەبېعەتم عالا،
وەلێم ئیسە کە گازکەشیم کەردەن هەر ئەجۊم ئەوەجەش نېیا سڵامش کەروو.
ئیتر ئارۊ فرەو خەڵکی ئەچامنەن، تەنیا گەر تەماعێ مادیەش بۊن، لۆز و کەلامش وەش هەن، بەڵام کە ئا نیازشە نەمەن، پېسە مامۊ نەفتەی وات مەرحەبایی و وەشی و تشیش فاڕیۊ.
ئاگامابۊ سڵامەکاما بوەو نەوتۍ نەۮا![1]