ئاخ زۊرە پەی زاتێ!
مەگېڵناوە، کابرێوە هۆرامی بە هەر و باریشۆ ڕاشگنۊ چۊڵەوانیێ، کابرێوە جەردە دۆر و خولش مڎۊ، پەی فرسەتێ گېڵۊ ڕووتش کەرۊوە، کابرای هۆرامی مەیاوۊ هەڕ و ئاوێ، چاگە هەرەکەش بە بارەکۆ چەقۊ، ئاڎییچ ملۊ چېروو هەرەکەی، شانە منۊ لەمەشۆ و بە بارەکەیۆ هۊرش گېرۊ و مارۊشۆ وشکایی، کابرای جەردە وەحتێ ئا دیمەنەیە ۋینۊ، غیرەتش ۋڵاویۊ، پەشیمان بۊوە جە ڕووت کەردەیۆش، بەڵام وەختێ کابرای هۆرامی هەرەکەی منیۊرە، ماچۊ (ئاخ زۊرە پەی زاتێ) ، یانی وەشڵەی ئی هېزو منە غیرەتێش چەنی بیێ، کابرای جەردە کە گۊشش چا قسۍ بۊن، یەکسەر زانۊ کابرای هۆرامی تەرسەزاڵا، ملۊ ڕووتش کەرۊوە.[1]