ئاسمان کۊڵەکېش گەرەکېنۍ.
ئیدیۆمێن، جە بار و حاڵەتێنە بەکارمێ، هەکە هەرمانێ کریێبۊ، بەڵام خەڵک چەمەڕا نەبیەبۊ، یان کەسێ چېوێش کەردەبۊ، چەنی ئانەیە وەڵتەر ئا چېوەشا پۆوە نەڎیەبۊ.
پەی نموونەی، مژنەوی کە برادەرێت یارمەتی برادەرێ تەریش دان، بەڵام ئا برادەرتە فرە ڕژد و ڕەزیلا، وەختێ هەواڵەکەی مژنەوی، ماچی دەی وەڵڵا ئاسمان کۊڵەکېش گەرەکېنۍ!
پېسە مزانمۍ ئاسمان بە بۍ کۊڵەکۍ مدران، بەڵام مادام ئا کەسە پېیاوەتیش جە دەس ئامان، یانی ئېمە غەڵەت یاوێنمېشەنە، هەر چەنی تاکو ئیسە پاسنەما زانان ئاسمان بە بۍ کۊڵەکۍ مدران.[1]