ڕەشی ڕووتی، کڵاوت نییە، ئەم جەژن بۆ ئەو جەژن، پڵاوت نییە.
ڕەش و ڕووت: مەبەست لە کەسی زەحمەتکێش و ستەمدیدەیە، کە چینی چەوساوەی گەل پێکدەهێنن، هەروەها لە کوردەواردا ژن و پیاو کڵاویان لەسەرناوە، ژنان وەک سەروبەست و پیاونیش لەگەڵ مشکی و شەدەدا بەستوویانە، واتە: مرۆڤی کورد هەمیشە سەری داپۆشراوبووە، نەنگی بووە سەر ڕووت بێت، پەندەکە مەبەستی لە کەسی هەژارە، لەبەر نەبوونی هەم سەری ڕووت بووە، هەم نان و پڵاوی چەوری بۆ جەژنیش نەبووە. پەندەکە کەسێکی هەژاری لات، بە خۆی دەڵێ.[1]