#یەکێتیی نیشتمانیی کوردستان# بابەتی جیاکردنەوەی دارایی پارێزگاکان، کە لە بودجەی ئێراق جێگیرکراوە، وەک کارتێکی فشار لە دژی #پارتی دیموکراتی کوردستان# بەکاردەهێنێت.
بەپێی قسەی سەرچاوەیەکی باڵا لە یەکێتیی نیشتمانیی کوردستان قسەیکردووە، حیزبەکەی دڵنیایە کە جێبەجێکردنی بڕگەی جیاکردنەوەی دارایی پارێزگاکان قوورس و ئەستەمە، بەو پێیەی هیچ میکانیزمێک بۆ جێبەجێکردنی دیارینەکراوە.
هەر بە قسەی سەرچاوەکە، یەکێتی پێشتر بۆیە سووربووە لە جێگیرکردنی ئەو بڕگەیە، تەنیا مەبەستی بووە، خواستی پارتی لە بەغدا بە تەواوی جێگیرنەبێت و لە داهاتووش وەک کارتێکی فشار لە دژی پارتی بەکاری بهێنێت.
پارتی دیموکراتی کوردستان، نیگەرانە لە جێگیرکردنی ئەو بڕگەیە، بەڵام بەهۆی ئەوەی دڵنیایە لەوەی جێبەجێکردنی کارێکی قوورسە، بۆیە کاردانەوەی توندی نەبووە و تەنانەت بە بەیاننامەیەک وەک مەکتەبی سیاسی پێشوازییان لە پەسەندکردنی بودجە کردووە. [1]