مەرگ تەنیا کۊشتەی ئینسانەکا نېیا
پیری تەنیا بە سنعە نېیەنە
گوناح وانای دوۍ ڕکاتۍ نمێ نېیا
تاوان تەنیا ڕۊچە نەگرتەی نېیا
تاوان کۊشتەی ئینسانەکان، بە بڕیارەکاما، بە خەلاف وەعدەکاما، بە دروەکاما ، بە تەرک ڪەرڎی ئینسانەکان.
ئینسان ڕەنگا بۍ تۊشە و وارڋه، تاکو مانگێ گوزەران کەرۊ ، بەلام بە داخەوە بۍ ویژدان و شەرافەت، عەمرێوە ژیوۊ، بۍ ئانەی وېش پا جۊرە کە لازما، هەستش پەنە ڪەرۊ.
هەر لوایېوە تەنیا لوای نیا
هەر قسێوە بڕیارێ کەسی نېیا
هەر دروېوە، کاریگەریش تەنیا سەرو وېماوە نېیا
ئاگاڎارۍ دڵوو خەڵکی بیمۍ، ڕەفتارۍ ئی دنیێ لازمەو بەهەشتێوەن کە نامېش بەرا.
بەنا بە دڵخوازی وېما، دنیای نەکەرمۍ جەهەڼەم وەنەو خەڵکانێ تەری
کە ڕەنگا بېتاوان یام کەم هەڵەو تاوانۍ با.
ڪەشەوان.[1]