سەمەرە و مۆهەنا، دوۍ کناچۍ ژیرۍ و وریاینۍ جە دەگاو بېسارانی، ڕوەشا کەردېنە وانای کتېبی و پی شېوە زانیاری وېشا هۊر وەزنان.
ئی دوە خاتوونە بەڕېزە بە بەشداریشا جە کتېبخانەو دەگاو بېسارانی کۆگاییوە وەشەو بۍ وېنېشا جە هەوارە بەرزەکاو بېسارانی پەی وېشا ڕېک وستېنە، هەرچی ڕوێنۍ بە پای پیاڎە نزیک بە یەک سەعات ڕای پیما تاکو وېشا بېیاونا بە کتېبخانەو ئا کتېبا کە نیازېشانۍ یۊ یۊوە واناشوەو پېسەو گوڵېوە گەشی جە باخچەو گوراڵا درەوشېیاوە.
ئی دوە گۊراڵە نە تەنیا پەی وېشا کتېبۍ بەرا، بەڵکووم واڵۍ و براڵە و زاڕۊڵۍ هامساکەیچشا هانی دەینۍ بە وانای کتېبی. وېشا کتېبېشا پەی بەراو پېسەو مامۊساییوە ڕانموونیچشا کەرا تاکو ئاڎیشایچ ڕوە کەرا ئی هەرمانە عالۍ و پی شېوە گەشە بڎا بە زانایی وېشاو ئاوەزشا بەرزبۊ.
هەزار ئافەرینۍ پەی خاتوو سەمەرۍ و خاتوو موهەنای ژیر و وریای.[1]
.