ناو: وڵات
ناوی باوک: کاگرۆ
ساڵی لەدایکبوون: 1999
شوێنی لەدایکبوون: بەلجیکا
جۆری یاری: تۆپی پێ
شوێنی لە یاری: بەرگریکار
$ژیاننامە$
وڵات ساڵی 1999 لە شارۆچکەی شیربیک-ی برۆکسل-ی بەلژیکا و لە باوک و دایکێکی کوردی باکووری کوردستان لە دایکبووە و یاریزانی هێڵی ناوەند-بەرگرییە و لە هەردوو ئاستی تازەپێگەیشتووانی خوار تەمەن 17 ساڵ و لاوانی خوار تەمەن 21 ساڵ بۆ تیمی یانەکانی (ئەندەرلەخت، مێشیلێن، ئود هێڤێرلی لوڤن، گینیت) ی بەلژیکایی یاریکردووە و پاشان لە ئاستی پێشکەتووان یاری بۆ یانەکانی (بانانتس/ ئەرمینیا، ئورارتو/ ئۆکرانیا، تێلستار/ هۆڵەندا، ئین ئەی سی برێدا/ هۆڵەندا) کردووە، لە مانگی ئازاری 2023دا گرێبەستی لەگەڵ یانەی ئین ئەی سی برێدا-ی هۆڵەندایی هەڵوەشاندەوە.
شایەنی باسە ئەوکاتەی وڵات یاریزانی یانە هۆڵەندییەکە بووە، درێسی ژمارە 47ی پۆشیوە و وەک خۆی ئاماژەی پێداوە، باوکی خواستی وابووە لەسەر پشتی درێسەکەی ڕۆڵی وڵات بگێڕێت، چونکە وڵات ناوێکی ڕاستەقینەی کوردییە و باوکی زۆر هاوکاری کوردستان و گەلی کورد دەکات و پێشتر لە شاری ماردین-ی باکووری کوردستان سەرقاڵی سیاسەت بووە و ژمارە 47 کۆدی ناوچەی ماردین-ە. وەک ڕێزێک بۆ زێدی باوکی، هەر بۆیە ژمارە 47ی لە یانەی برێدا هەڵبژاردووە. ئەمەش باوکی دڵخۆش کردووە. [1]
این مقاله بە زبان (کوردیی ناوەڕاست) نوشته شده است، برای باز کردن آیتم به زبان اصلی! بر روی آیکون
کلیک کنید.
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
این مقاله 464 بار مشاهده شده است
نظر خود را در مورد این مقاله بنویسید!