ترکیێ راوەستاندنا گەشتێن ئاسمانی یێن فرۆکەخانەیا ناڤدەولەتی یا سلێمانیێ بۆ 6 مەهێن دن درێژ کر.
پارێزگارێ سلێمانیێ هەڤال ئەبووبەکر ئیرۆ 3ێ تیرمەهێ ژ ک24ێ رە راگهاند، حکوومەتا ترکیێ راوەستاندنا گەشتێن ئەسمانی یێن فرۆکەخانەیا ناڤدەولەتی یا سلێمانیێ هەتا 3/12/2023ان درێژ کر.
ئەڤ یەک د دەمەکێ دە یە، پارێزگارێ سلێمانیێ رۆژا 18ێ خزیرانا 2023ان ژ ک24ێ رە راگهاند، «مە هەموو هەولێن خوە ژ بۆ ڤەکرنا قادا ئاسمانی یا ترکیێ و راکرنا ئاستەنگیێن ل پێشیا فرۆکەخانەیا سلێمانیێ دانە و ئەگەر د مەها تیرمەهێ دە چ رەوشێن نەخوەستی دەرنەکەڤن و دێ پرسگرێک بێن چارەسەرکرن».
رۆژا شەمیێ 3ێ نیسانا 2023، رێڤەبەریا فرۆکەڤانیا سڤیل یا ترکیێ گەشتێن خوە یێن فرۆکەخانەیا ناڤدەولەتی یا سلێمانیێ راوەستاند. بەردەڤکا وەزارەتا دەرڤە یا ترکیێ راگهاند، ئەڤ پێشهات دێ هەتا تیرمەها ئیسال بدۆمە و سەدەما وێ ژی بۆ زێدەبوونا چالاکیێن پەکەکێ ل پارێزگەها سلێمانیێ ڤەگەراند.
فرۆکەخانەیا ناڤدەولەتی یا سلێمانیێ ل بەکراجۆیە کو 15 کیلۆمەترە دووری سلێمانیێ یە، کەڤرێ بنگەهینێ فرۆکەخانێ د سالا 2003ان دە هات دانین و سالا 2005ان تەمام بوو و کەتە کار.[1]