مشتێک نموونەی خەروارێکه
ئەوانەی دانەوێڵە دەکڕن و دەفرۆشن و مامەڵەی پێوە دەکەن، چەنگێک لە دانەوێڵەکە دەدەن و پڕ بە مست و مشتیان هەڵدەگرن و بە پەنجەکانیان ئەو دیو و ئەو دیوو بە و بڕە دانەوێڵەیە دەکەن بۆ ئەوەی بزانن دانەوێڵەکە پڕ و دەنک جوانە یان پوچ و بیژۆک و قرغ و خراپە یان زیوان و گلێرە و بژاری زۆرە، بە و مشتە لەتەواوی دانەوێڵەکە تێ دەگەن کە خاوێن و باشە یان پیس و خراپە، ئەوە بووە بە ئیدیۆم بۆ ناساندنی زۆرینەی کارێک، شتێک، بابەتیک یان خەسڵەتی مرۆڤ، هەنگاوێک یان جوولەیەک یان هەڵسوکەوتێک یان کەمی شتێک وتراوە: مشتێک نموونەی خەروارێکە.[1]