هەریسە (کەشکەک)
(هەریسە) یوەنە جە واردە باوەکا دلۍ ئا میللەتا هەکە شېعە مەزهەبېنۍ، ساڵانە جە یاڎو عاشووراینە منیاش سەرو تۆزېعەش مەکەرا ملو هامسایا و یانە هەژارەکارە.
هەریسە، ئېمە پەنەش ماچمۍ کەشکەک، بە (گەنمۍ و گۊشت) وەشەکریۊنە، واردێ لەزەتیەن.
دوۍ پەیلوێ هەنۍ پەی تاریخو پېڎابېیەی ئی واردەیە:
پەیلوێشا ماچۊ مەگېڵۊوە پەی سەردەمو (نووح پېخامئاوەری) ، سەلامو حوڎاییش سەربۊ، وەختێ کەشتیەکە کەشو (جوودی) لەنگەرش گېرت، نووح پەرساش سەرنیشتەکا: چېش هەن پەی ئانەی پېسە واردەی ئاماڎەش کەرمۍ؟
سەرنیشتەکۍ واتشا: گەنمۍ، ئیتر چاشتێشا نېیا سەر پەی خەڵکو دلۍ کەشتیەکەی.
پەیلوای دوەمشا ماچۊ: مەگېڵۊوە پەی سەروەختو شەهید کەردەی ئیمام حەسەنی ساڵەو (61ک) ، دمای شەهید کەردەی ئیمام حەسەنی، (زەینەبە) ی هامسەرەش زارۊڵەکېش بەردۍ پەی (شام) ی، چاگە ئا بڕە گەنمۍ (خەلە) کە دەسش گنېنۍ ئاماڎېشاکەرۍ پەی زارۊڵەکاش تاکو ئاورایېنە نەمرا.[1]