گرڎ چېو بە تام وەشەن
ئېمە ماناو تامی فرەتەر دلۍ سۊڵینە مەوینمۍ (مەکی) ، هەر واردەمەنیێ مەکیش بان، ئانە تامڎارەن، گەر نەباش ماچان بۍ مەکەن، گولەن. پېسە ئیدیۆمێ پەی چېوەکا تەریچ بەکارئامان، پەی نموونەی قسەکەردەی بەتام وەش هەن، فرە دوای گولەن، ئام و شۊ هەر بە تام وەش هەن، گورانی واتەی، گېڵای و سێران، گەمە کەردەی، شۆنشینی، ...هتد. ئیتر هەر چېوێ جە سنوورو وېش ترازیا بېمەک بۊن، پېسەنە واردېوە مەکیش نەبان.
دەربارەو واردەمەنیچ هەر پاسنەن، دوەباره کەردەیۆ واردېوە تامش گوم بۊن، یانی گەر فرەو وېرەگانەکا یەک جۊر واردە بنیا سەر، بېتامش کەران، ئا واردە پەی ماوێ وەرچەما مەگنۊ.
خوڎا پەرەسی پېویسەن و سەپیان، بەڵام گەر جە سنوورو وېش ترازیۊ هەم بېتامەن و هەم ڕا پەنە نەدریان.[1]