ب دەستووری خودێ
قەولێ ئافرینا دونیایێ
دنیا چێبوو ژ شێرارە
خودێ ئاڤاکر ژ خێرارە
خۆش ملکە ژ مێرارە
***
پەدشێ من دور ژ خۆ ڤاڤارە
دور قەندیلەکە مالدارە
قەندیلێ نوور ستارە
***
ئاشقێت عێرفێت زانە
وەرن ژ وەرا ددەم بەیانە
دور تەختە پەدشای لێ کر مەکانە
***
یارەبی دونیا ھەبوو تاری
تێدا نەبوو زێنداری
د بەھرا دا تەنێ ھەبوو دور
نەدمەشیا ، نەدمەشیا
تە خۆش روح ئانی بەر
نوورا خۆ لێ پەیدا کر
گۆشت و روح ھاتنە بەر
نوورا چاڤا لێ ھاتە دەر
دەست و پێ کرە لەش
لێ شێرین کر گۆت و بێژ
****
دور ب رەنگێ ئینسان خەملی
تاقەت نەکر ھلگری
ژ ھەیبەتا ئێزدان ھنجنی
****
ئێزدانێ مە ب رەحمانی
ھێڤێن ھاڤێتە بەحرێ بەحر پێ مەیانی
دخانەک ژێ دەر خوەنی
ھەفت تەبەق عەرد و عەزمان پێ نژنی
***
ئێزدانێ مە دور دەرئانی
ئاڤ ژ دوڕێ حەرکی
بوو بەحرا بێ سەری و بێ بنی
ئێزدانێ مە ل سەر بەحرێ گەری
****
چقاس خوداڤەندێ مە دونیا دکر سەفەرە
سخر دکر دار و بەرە
پێ نژنینە رکنێ مەنبەرە
****
لالش کو دھاتە
ل ئەردێ شین بوو نەباتە
پێ زەینی چقاس کنیاتە
****
خوداڤەندێ مە ئینی کر ئەساسە
شەمبوویێ بری کراسە
چارشەمبوویێ کر خلاسە
****
قەولێ قەرە فرقان
د بەر خۆ کر ئەو سور و ئەو خەرقەیە
ب سلتان ئێزی بدەن شەھدەیە
ژ نوورا وی کشفی بەرێ سوبەیە
****
بەرێ سبێ ژ نوورا وی کشفی
عەرد وعەزمان تێک رەجفین
مێر ل وەحدانیێ رونشتن و ھەق رێ یا سلتان ئێزی ب ھەڤرا د ئاخڤین
***
***
قەولێ تەختا
پەدشێ من ل ناڤ تەختێ خۆ یێ ئەحمەرە
دنیا فەتل دگەرە
رەنگ ژێ ھاتنە دەرە
****
یێ تەمام خودێ یە.[1]