شاری بەغدا و یاریگەکانی شەعبی نێودەوڵەتی قۆناغی کۆتایی پاڵەوانێتی تێنسی سەر زەوی یانەکانی ئێراق میوانداری دەکات .
لەو قۆناغەدا ، تیمی تێنسی سەر زەوی #یانەی وەرزشی پێشمەرگەی سلێمانی# ڕووبەڕووی تیمە بەهێزەکان دەبنەوە و ئالان سەلامی ڕاهێنەر و یاریزانی یانەی پێشمەرگەش لە لێدوانێکی تایبەت بە پیشمەرگە سپۆرت زانیاری زیاتری دا و وتی، تیمەکەمان لە قۆناغی یەکەم و دووەم یارییەکانی بە باشی ئەنجام داو ئامادەکاری پێویستیشمان هەیە بۆ بەشداری لە ڕکابەرییەکانی کۆتایی کە بڕیارە یارییەکانی لە ڕێکەوتی #18-07-2023# و لە شاری بەغدا دەست پێبکات .
ئالان ئاماژەی بەوەشکرد کە ڕووبەڕووی هەریەک لە یانەکانی (جەیش، ئالیات شوڕت ، سەید و کازمییە) دەبنەوە کە ئەو یانانە زۆر بەهێزن و لە ڕکابەری ئەنجامدان.
جێگەی باسە خولی نایابی تێنسی سەر زەوی یانەکانی ئێراق بە بەشداری 12 یانە بەڕێوە دەچێت و لەم وەرزەش یەکێتی ناوەندی تێنسی سەر زەوی ئێراق بە سێ قۆناغ یارییەکانی دیاری کرد .
[1]