تابووری پەنجەم
تابوور: بە دەسێوە هەزار کەسی ماچان (سوپا...لەشکەر...هەنگ)
وەفایی ماچۊ:
مەمدە بەر تابووری موژگانت هەتاکوو غەمزە بێ
ها بە جارێ بمکوژە، یەخسیری تورکانم مەکە
مەبەس ئەچا خەڵکە خائینەینە کە دلۍ میللتەکەو وېشانە بە پەنهانی خزمەت بە دژمەنی کەران.
ساڵەو 1939ز گەرمەو جەنگو مېیانو هېزەکا وەڵاتو ئیسپانیای ئی دەسەواچۍ ئامارە، بەشێ جە هېزە جەنگ کەرە کۊنەپەرەسەکۍ دلۍ ئیسپانیای لوێنە پاڵو سوپاو ئەڵمانیا و ئیتالیای، چېرەنە کۊمەکشا کەرېنۍ، سەربازێ چاییشا بە سوپێوە گۆرېوە، چوار قۊڵېوە بە چوار تابوورېوە هېرشش پەی سەرو (مەدرید)ی دەسپەنە کەرد بە مەبەسو وڕنای دیموکراتی وازەکا، ئا سەربازە(ئەمیلۆ موولا) وەڵۍ ئانەی جمۊرە، ماچۊ: چوار قۊڵېوە پەلامارە مڎەیمۍ، دلۍ مەدریدیچەنە تابورێ تەرما هەن هەکە هەرمانەمان پەی کەرۊن، ئیتر چا وەختۆ تابووری پەنەم ئامانە دلۍ فەرهەنگو جەنگی.
تابووری پەنجەم مەبان بە بەشێ جە سوپاو داگیرکەری، قازانجو ئاڎییشا پارېزنان.[1]