#ڕێواز فایەق# سەرۆکی خولی پێنجەمی پەڕڵەمانی کوردستان لە نووسینێکدا بەناوی #شێروان شێروانی# و هاوڕێکانیم چۆن بینی؟! دەڵێت لە زیندان سەردانی شێروان شێروانیم کرد و پرسیم دۆخت چۆن؟ شێروان وتی: بۆ من ئەمە زیندان نییە ڕاهاتووم، ئێوە کە لەدەرەوەن لە زیندانن.
ڕێواز فایەق، دەڵێت دۆسیەی سزادراوانی بادینان دەمێکە لەوە دەرچووە وەک دۆسیەیەکی ئاسایی و یاسایی بەردەم دادگا لێکدانەوەی بۆ بکرێت و لەسەر ئاستی ناوخۆیی و کۆمەڵگەی نێودەوڵەتی دەرگای بەسەر دۆزەخێکدا کردووەتەوە کە داخستنی هەروا ئاسان نییە. [1]