شارو هەلەق مەلەقی
شارێوە بۍ کە گرڎ چېوێش قەڎەخە بۍ تەنیا هەلەق مەلەقی نەبۊ
خەڵکوو شارەکەیچ گردشان ڕوەشا کەردۍ بۍ هەلەق مەلەقی و گرد ڕوێ زیېنېرە و سارایینە هەلەق مەلەق کەرېنێ.
قانوونەکەیچش چوون وەرە وەرە نریەی بېنېرە و بەڵگېشا پەی وەشۍ کەردېبېنۍ، کەسێوە ڕادەسو شکات و وار و چوەریش نەبۍ، خەڵکەکەیچ لاشاوە ستەم نەبۍ!
شۊنەو چن ساڵارە سەرگەورۍ شاری دیشا ئەوەجەش نېیا گرڎ چېوێ قەڎەخەبۊ جاڕ چیێشا کیاستۍ دلۍ کووجی و بازاریرە و هەتا بە خەڵکی واچا: هەر کەسېو بە مەیلوو وېش هەر هەرمانۍ کەرۊ کەرۊ!
خەڵکەکەیچ کە مرۊشېیەی بېنېوە دەورو جاڕچیا، دماو ژنیەی جاڕەکەی وەڵاوەشا کەردو لوێوە هەلەق مەلەق کەردەی، جاڕچیێچ واوەی جاڕشا داوە: خەڵکەکە! ئیسە شمە ئازادېندۍ چېشتا پەنە وەشا کەردېش،
خەڵکیچ کەردشاوە جواب: ئېمە هەر حەز کەرمۍ هەلەق مەلەق کەرمۍ!؟
جاڕچیێچ فرە هەرمانۍ جۊر بەجۊرېشا کۊرنەیوە پەی کە وەڵتەر کەرېنېش، واتشا: ئیسەیچە تاودۍ هەمان کارا کەردۍ، خەڵکەکە گۊششا نەڎاو بۍ مردامان هەر خجڵوو هەلەق مەلەقی بېنۍ!
جاڕچیېچ هەکە زاناشا هیچشا پەی نمەکریۊ
جەریانەکەشا یاوناوە بە پاڎشای!
پادشایچ واتش: هەرمانېش نېیا! هەلەق مەلەقی قەدەخە کەرمۍ!
مەردم عانێ زاناشا هەلەق مەلەق قاچاخا شۊڕششا کەرد وپاشاشا کوشت و دەسشا کەردەو هەلەق مەلەق کەردەی.[1]