مەردەی پاڎشای
جە زەمانەو یۊجە پاڎشایانە، دەنگو باس کەوتەرە شامەردەن، شا دەسورشدا بەمەعمووراش پەرسو و جۊ بکەران بزانان ئی دەنگ و باسە کۍ وەش کەردەن؟
دماو پەیجۊرو مەعموورا ڕۊشن بیۆ کاروو پیرە ژەنېوە بېیەن، مەعموورۍ پیرە ژەنەکېشا گېرتەو بەردەشا پەی لاو پاڎشای، پاڎشایچ واتش بە پیرە ژەنەکۍ: ئی دروۍ چېشەنە کەردېنەت، من چکۊ مەردەنا؟
پیرە ژەنەکېچ کەردشەو جواب: من بە پاو وەزعەو مەملەکەتیرە واتم: ڕەنگا تۊ مەردەبی
چوون هەرکەس پەی وېشا، قازی ڕشفەت سانۊ، دارۊغە بە ملهوڕی داواو باجی کەرۊن، کاسبۍ کەم ۋرەشی و گرانجانی کەران.
کەس نېیەن بیاوۊ داڎو خەڵکیۆ، منیچ هەر ئەجیام تۊ مەردەنی.[1]