پېیاوەتی کەرەو دەش دەمو ئاوېوە
پېیاوەتی یانی گرڎ هەرمانێ خێرۍ و عالۍ، ئانەی هەکە یارمەتی خەڵکی بۊن، دەسگیری فەقیر و هەژاری، کۊمەکو قۆم و خوېشی، ئانۍ گرد پەنەشان واچیۊن پېیاوەتی. دیارەن جاران و ئیسەیچ هەرمانۍ گۆرۍ و دېیارۍ پېیای کەردېنۍ و کەرۊشان، چوونکوم ئاڎ خاوەنو هېز و مەچەکی بەهېزیەن، ئاڎ ملونە دلۍ خەڵکی و ئاگاش جە گرفت و کەم و کوڕیەکاشا هەن.
بڕێ کەسۍ وەختێ پېیاوەتی کەران چەنی خەڵکا تەری، تەماڎارۍ پاداشتینۍ و چەمشان ئینا سەرو ئانەیۊ کە بەخشانشان بە خەڵکی، یان ئا یاردیەی کۊمەکشاکەردەن پەنەشان.
خەڵکۍ ئیماندارۍ تەنیا وەرو خوڎای هەرمانۍ خاسۍ کەران، یان هەرگیز چەمشا نېیەن جە پاداشتو خەڵکی.
بڕێ تەر کەسۍ سفڵۍ هەنۍ هەکە هیچ پەنە نمەزانان، هەرچن پېیاوەتی کریۊن چەنیشان قیمەتش نمەزانان، پەوکەی واتەنشا قەیڎو چېشی کەرۊن، تۊ پېیاوەتی وېت کەرەو دەش دمو ئاوېوە، ئاڎ با هەر پەنە نەزانۊ.[1]