چاڵی هۊرکەنی پەی هەرکەسی وېت مەگنیشەنە
جارا بڕێ خەڵکۍ پەی ئانەی هەقەو وېشان جە خەڵکی یان دژمەنەکەیشان بسانا، وەراوەرشاوە نەمدرێنۍ و پەلامارەشان بڎان، بەڵکوم چېرەنە سەرو ڕاکېشاوە چاڵێشا هۊرکەندېنەو بە پووش و پەڵا سەرشان گېرتېنە، وەختێ کابرای دژمەنشا وېیەردەن سەرشەرە کۆتەن چاڵەکۍ، ئیتر یان دەس و لاقێش مەڕیان، یان زامڎارێ فره بېیەن.
ئی دیاردە بېیەن بە ئیدیۆمێ بەکارشان ئاردەن پەی ئا کەسا هەکە خەریکۍ فڕ و فېڵو هەرمانە خرابانۍ، ئا کەسۍ هەکە بوختانیشان پەی خەڵکی بېتاوانی هۊربەستېنە، یان شکاتێوەشا ئەو کەسێ کەردەن، بەڵام دماجار هەر وېشا توشۍ بیېنۍ و کۆتېنېنە چاڵەکۍ.[1]