باعزێ چا نامۍ تەوەنا کە ئینەی زوانی هۆرامینە:
1- سەخت: تەوەنېوەنە کە بەسەختێ پۊرەشەرە ویەری، ئاکەسیچە کەتاوۊ بلۊش پۊرە ماچاش پەنە:
سەختیار (کوەنورد) .
2- کەڵەلان: ئا تەوەنېنە کە کەڵۍ کەراش بە لانە
(لانەو کەڵا) .
3- کۆبەس: تەوەنېوەنە کە کۆێ گەورەش گیردان.
4- موورۍ: ئا تەوەنېنە کە چوار گۊشە و یەرەگۊشە تاشاش و جە یانەنە پەی دیاری کەردەی گۊشە و سووچوو یانەی نریۊ هەرمانە.
5- تەوەنەو بەسی: تەوەنېوەنە کە ئینا چېروو تاشێ گەورەینە.
6- تاش: تەختە تەوەنېوەن.
7- کەمەر: ئا تەوەنېنۍ کە فرە سەختۍ نېیەنۍ و بەشەر تاوۊ ویەرۊ پۊرشارە.
8- تەوەنەو سرۊنای، یام سرامای یام ئەلحەڎە
کە منیاش سەرو ئەلحەڎەو مەردەیۆ.
9- ما، یام مایە: ڕشتە کۆیېوەن ساف و سەخت کە گوزەرکەردەیش ئەر مەحاڵ نەبۊ ئاسانیچ نېیەن.
10- وەزەنی: کۊیېوە تەوەنینی ساف و بەرزا کە بەشەر نمەتاوۊ پۊرەش هۊر وەزۊ.
11- دڎانە: تەوەنەی وچکلۍ و باریکەنە کە جە دیوار نیەینە منیاش چېروو تەوەنەی تەرۍ.
12- پاسارە: تەوەنەی ساف و پانەنە کە منیاش چوار لاو بانیرە تاکو نازۊ ئاوی بەیرە دیوارەرە.[1]