دەسش بنەو هەمانەکېنە بەرشی
هەمانۍ، بە هۆرامی ساڎە پەنەش ماچمۍ (مانۍ) ، جە پۊسو مەیۍ وەشەکریۊن، ئەوسا ئاردیش کەرېنېنە.
دیارەن گەر بنەو مانۍ یام هەمانۍ گنۊرە، ئانە گردو ئاردەکا مجیان. ئینە بېیەن بە ئیدیۆمێ بەکار ئامان پەی چن مەبەسێ، پەی نمونەی: گەر کەسێ خاوەنو دەسەڵای دارایی یام سیاسی بیێ، بەڵام بە نەزانی وېش، یام بە فڕ و فېڵو چوار دۆرەکەیش ئا دەسەڵاتشە جە دەس دێ، پەنەش واچېنۍ تازە دەسش بنەو هەمانەکېنە بەرشی، هیچ چېوێ فریاش نمەگنۊ.
یانی جە دەسدای هەر دەسەڵاتێ، هەکە گېڵایۆش نەبۊن، پېسە کوودەتای سەربازی، یام دوور ۋستەیۆشان پەی بەرو وەڵاتی.
ئا کەسە، یام ئا پارتە سیاسیە وەختێ مەگنۊ، ئیتر گردو جومگەکا دەسەڵاتی جە دەس مڎۊ، مێوە سەرو سفری.[1]