#پارتی دیموکراتی کوردستان# ترسی لە فراوانبوونی مانگرتن و خۆپیشاندانەکانی سنووری شاری #سلێمانی# هەیە، کە چەند ڕۆژێکە بەهۆی دواکەوتنی مووچەوە دەستی پێ کردووە.
پارتی دیموکراتی کوردستان سەرکردایەتی حیزبەکەی لە سنووری شاری سلێمانی ڕاسپاردووە، بەوردی چاودێری ئەو مانگرتن و خۆپیشاندانانە بکەن، کە چەند ڕۆژێکە لە فەرمانگە حکومییەکانی سنووری سلێمانی بەهۆی دواکەوتنی مووچە دەستی پێ کردووە.
پارتی دیموکراتی کوردستان ترسی لە فراوانبوون و گەورەبوونی مانگرتن و خۆپیشاندانەکان هەیە، بۆیە لە ڕێگەی سەرکردایەتی حیزبەکەی چاودێری ئەو دۆخە دەکات.
ترسی پارتی لەوەوە سەرچاوەی گرتووە، کە لایەنێکی سیاسی لە پشت هاندانی خۆپیشاندان و مانگرتنەکانەوە بێت، بۆیە لەو بارەشەوە داوای ڕوونکردنەوەی لە #یەکێتیی نیشتمانیی کوردستان# کردووە. [1]