دووری و دۊسی
دوور جە ئیدیومەکۍ، نزیکی و ئام و شۊ مېیانو خەڵکانە، یام قۆم و کەس وکارینە دۊسی وەشکەرۊن، وەشەویسی دلۍ دڵەکانە منیۊن، ڕەحم و بەزەیی فرە کەرۊن، چوونکوم ئەچا سەردای و ئام و شۊینە زیاتەر ئاگاشان جە بار و گوزەرانو یۊترینی مەبۊن، یارمەتی یۊترینی مڎان، یانی دۊسی فرەتەر بۊن. بەڵام ئیدیومەکۍ جېیاوازمان پەنە ماچۊن، دووری مېیانو قۆم و کەس و کارینە مەڵامەتەن پەی دۊسی و مەنەی قۆمایەتی!
مېیانو پېوەڼیە کومەڵیەکانە سەرەڕاو وەشی و شاڎ بېیەی بە یۊترینی، بڕێ گرفتۍ درووسۍ مەبانۍ، مېیانو هەسرۋۍ و ۋەیۋېنە، مېیانو برا و واڵەینە، کە هۊکارەکەش نزیکیەن، ۋەرو ئانەیە فرەتەر وەرکۆتەی ڕوە مڎۊن، زېیاتەر لواینە دلۍ ژیوای یۊترینی مەبۊن، بڕێ جارۍگرفتەکۍ گۆرۍ مەبانۍ، دڵ گرانی و خەم و خەفەت درووس مەبۊن، ئیتر مېیاوان ئا باوەڕیە هەکە واچان هەتا دوور بی، خاستەرەن، وەس نېیەن دۊسیمان مەنۊن.[1]